Tüügnissen för de plattdüütsche Spraak

De Fehrsgill hett Stimmen to de nedderdüütsch Spraak tohoopstellt[1]. Welke sünd hier in Plattdüütsch översett.

Johann Wolfgang von Goethe
Dichter

De nedderdüütsche Spraak snackt noch schierweg un seggt, wat se meent. Se hett woll keen Öven in de Afstrakschoon, aver se heet dorför een sinnlich Sekerheit, de nie nich twiefelt an dat, wat de Ogen seht un wat de Hannen anfaat.

Gotthold Ephraim Lessing
Schriever

Eerst in‘n Land vun de Nedderdüütschen heff ik de heel Grött vun de düütsch Moderspraak verstahn.

Kurt Tucholsky
Schriever un Journalist

Eenig Lüüd seht de nedderdüütsche Spraak groff ut un se möögt ehr nich. Ik heff düsse Spraak ümmer geern hatt. Dat Plattdüütsch kann allens wesen: fien un groff, humorvull un hart, klaar un nöchtern.. — Se wüssen all beid, wat dat is, Nedderdüütsch. Dat is de Weg, den de düütsch Spraak leidergotts nich gahn is, wo veel kraftvuller is dor allens, ogenschienlicher, eenfacher, klaarer. — un de schöönsten Leevgedichten, de de Düütsche hett, staht op düsse Bläder (ut „Schloß Gripsholm“).

Yared Dibaba
Feernsehspreker

Mien Moderspraak is Oromiffa. Dat is för mi de Spraak vun dat Hart, dat is de Spraak, de ik mit mien Öllern snack un de ik mit mien Bröder un Süstern pleeg. Ik bün mien Öllern ohn Enn dankbor dorför; ok wenn wi af un an stuur op Düütsch antert hebbt, hebbt se dorop bestahn, mit uns Oromiffa to snacken.

Mit teihn Johr keem ik denn to’n eersten Maal mit Plattdüütsch in Kontakt. Toeerst heff ik keen Woort verstahn. Avers denn, bi dat Bruken jeden Dag, lehr ik de Spraak geern to mögen un hooch to achten. En Spraak is as en Bloom, man mutt ehr jeden Dag plegen, bloot denn kann se wiederleven. Also: snacken, snacken un nochmal snacken.

Wilhelm Wieben
fröherer Daagsschauspreker

Ik bün froh, de plattdüütsche Spraak to snacken, över ehr ganz egen Riekdom an Utdrück to verfögen. Dat Bedüden för de Kultur vun düsse Spraak is nich op de Kipp to stellen.

Helmut Schmidt
Bundskanzler u.D.

Dat Nedderdüütsche is en egen Spraak, keen Dialekt. Dat Nedderdüütsche is en Deel vun uns Kultur mit egenstännige Prosa un Poesie. Alleen ut dissen Grund schull dat pleegt warrn. Villicht schullen wi nich blot Naturschuul un Denkmaalpleeg bedrieven, sünnern ok Spraakschuul.

Gerhard Stoltenberg
Ministerpräsident vun Sleswig-Holsteen u.D., Bundsminister u.D.

De nedderdüütsche Spraak kann för Kinner, de Nedderdüütsch ranwassen doot, en Funkschoon för dat Billen nakamen. Dat kummt dorvun, dat se de högere Düchtigkeit verklookfiedelt, sik en gröttere Spraakenmeng to hollen un verwandte Spraken to lihrnen.

Zeugnisse über die plattdeutsche Sprache

Die Fehrsgilde hat hier: http://www.fehrsgilde.de/hd_stimmen.htm Stimmen zur niederdeutschen Sprache zusammengestellt. Eine Wiederholung in hochdeutscher Sprache erübrigt sich. Weiter oben sind die interessantesten in Plattdeutsch zu lesen.

[1]     http://www.fehrsgilde.de/pd_stimmen.htm